TRCA SE STORIE
TRCA – het in 'n regte klaskamer ontstaan, nie in 'n kantoor nie.
Elke dag, het Suzanne Joubert gesien hoe onderwysers graag Robotika en Kodering wou aanbied, maar dikwels onseker was oor waar om te begin. Leerders was nuuskierig, kreatief en opgewonde oor tegnologie, maar baie skole het nie toegang tot robotte of rekenaars gehad nie. Dit het haar laat besef dat onderwysers eenvoudige, praktiese en toeganklike hulpbronne nodig het wat Robotika en Kodering maklik verstaanbaar, genotvol en volledig KABV-belyn maak.
So is TRCA gebore – ’n wêreld waar Lilly, Robbie en Luke leerders stap vir stap begelei op die avontuur van dink, bou, kodeer en skep.
Wat begin het as ontkoppelde aktiwiteite, het gegroei tot ’n volledige opvoedkundige reis wat deur ’n onderwyser, vir onderwysers ontwerp is. TRCA glo dat Robotika en Kodering nie oorweldigend behoort te voel nie – dit behoort ’n avontuur van ontdekking, kreatiwiteit en selfvertroue in die klaskamer te wees.
Vandag groei TRCA steeds met een duidelike doel voor oë: om onderwysers te help om Robotika en Kodering tot lewe te bring – een leerder, een klaskamer en een avontuur op ’n slag.
BY TRCA, bring ons leer tot lewe deur prettige, boeiende en betekenisvolle ervarings in Robotika en Kodering.
Ons is passievol daaroor om leerders te help om noodsaaklike 21ste-eeuse vaardighede te ontwikkel, insluitend kreatiwiteit, probleemoplossing en berekeningsdenke — en dit alles terwyl hulle op 'n prettige en opwindende manier leer.
Ons hulpbronne is sorgvuldig ontwerp vir Laerskool en is volledig KABV-belynwat hulle ideaal maak vir Suid-Afrikaanse skole. Ons ondersteun beide opvoeders en leerders met:
- Interaktiewe leerderwerkboeke
- Omvattende onderwysersgidse en assesserings
- Kreatiewe, storiegebaseerde lesse
- Praktiese en ontkoppelde aktiwiteite
- Deurlopende werkswinkel- en skoolondersteuning
By TRCA glo ons dat elke kind 'n selfversekerde probleemoplosser en kreatiewe denker kan word. Ons missie is eenvoudig:
Om jong geeste te inspireer en van Robotika en Kodering 'n avontuur te maak.
